بنت البدو

[شهد]

السلام عليكم ورحمه الله وبركاته

قالت بنت البدو......


قالت ترى منت بحلو قلت رجـال


والزين ماهو من شروط الرجوله


الزين يلقى عـن لباسـت الشـال


والرجل زين إن كان زانت فعوله


قالت علامك تلبس شماغ وعقـال


انت بدوي؟؟ قلت بدوي من حموله


ماألبس بناطيل لها الوان واشكـال


وامتر الشارع بعرضـه وطولـه


قالت اجل راعي معاميـل وادلال


شرب القهاوي تحسبونـه بطولـه


قلت اسمعيني وافهمي كل الأقوال


تمعني فـي كـل حـرف اقولـه


كيفي يابنت الحضر دله وفنجـال


وحليب خلفه فالمراحـه معقولـه


حب الكرم والجود وعلوم الأبطال


مغروس فينا من زمان الطفولـه


قالت ترى بنت البدو حظها مـال


قلت اعقبي حذرا تكوني جهولـه


بنت البدو يابنت مضرب للأمثـال


غير الجمال وطاعة الله خجولـه


زينه على كل المزاييـن تختـال


مثل القمر ينشاف محدن يطولـه


ماحطت اصباغ ولا حطت ضلال


ولاسيرت في السوق سير مهبوله


ماتنخدع في كل ماكـر ومحتـال


اللي لهم في السوق صوله وجوله


تحمي شرفها خوفة القيل والقـال


درب الدنس والشين ماهي بحوله


ريميـه ماصادهـا كـل خـتـال


حتى من نسام الهبايـب جفولـه


هي مهرة تصعب على كل خيـال


وانتي ومثلك عسفهـن بالسهولـه


قالت تغزل بي شف حبة الخـال


ناظر عيوني والرموش الكسوله..


وانظر جبينن فوق الأمتان ميـال


ومبسـم يعجبـك تنظيـم لـولـه


قلت العفو مايستوي زين وهبـال


واللي تبينه شي يصعب حصولـه


قلتي وقلت وكلمة الصدق تنقـال


والزين ماهو من شروط الرجوله

:0006[1]:

[همام]

الله يعطيك الف عافيه

اختي

شــــــــــــــــهـــــــــــــد

[أبوعبدالعزيز]

الف شكر اختي شهد

صح لسانك

[ــالقـيـصـــــر]

مشكووووره اختي شهد
والله يعطيكي العافيه

[شهد]

يعافيك اخوي همام