من عسكريم التوت للعلك ابو ريال ... [الأرشيف]

بن عباد

18-08-2006, 04:18 PM

عهدي بها من قبل تلبس عبايه = وأنا بعد قبل البس شماغ وعقال

طفلين نتهجّاء حروف البدايه = الله ياماأجمل سواليف الاطفال

كانت لنا في كل شارع حكايه = وكنّا نقول علوم ماهيب تنقال

وكنت اتقاسم مامعاها معايه = من عسكريم التوت للعلك ابوريال

وكانت بعكسي شاطره بالقرايه = تقرأ جزء عمّ وطه والانفال

وأنا لك الله من مواري غبايه = مدري ابو نقطه هو الذال او دال

وكانت لابويه تشتكي من شقايه = وتعلّمه كيف اربط الباب بحبال

ياما على ظهري كسر من عصايه = يقول لي:خلّك وأنا ابوك رجّال

وامي تقول:ادع لولدك الهدايه = خوفي تصيبه كثرة الضرب بهبال

لاشفتها مع اول الدرب جايه = مدري أنا اللي ملت ولاّ الوطا مال

احسّ قلبي يرتجف في حشايه = ماكنّه الاّ الضيف لاهزّ فنجال

ياما عن"السّعلو" تخبّت ورايه = لاخوفوها فيه ثم شافت ظلال

تقول:خلّك ياحبيبي معايه = واسّتأنس العب عندها دور الابطال

وآغار حتّى من عيون اصدقايه = لاطالعوها قلت:تكفون ياعيال

دمتم بنقاء ...

:rose:

...

الفارس

18-08-2006, 06:25 PM

صح لسانك

أخوي بن عباد..

الكـــاسر

18-08-2006, 06:29 PM

يعطيك العافية أخوي بن عباد

أبوعبدالعزيز

19-08-2006, 02:13 AM

صح لسانك برك الله فيك .

اهناك على افتتاح المنتى بهذه القصيده .

؟متى؟اشوفك؟

19-08-2006, 09:10 AM

:salam:

:taheya:

:question: :question: :question: :question:

صـــــــــــــــــــــــــــــح لـــــــــــــــســـــــــــــــــــــــانــــــــ ــــك

ولا تحرمنا من مشركاتك الحلووه والممتعه

اخوك / ؟متى؟اشوفك؟
:004: